គន្លឹះទាំង៧ ដើម្បីសម្រេចគោលដៅអោយបានជោគជ័យ

១ កំនត់គោលដៅបានច្បាស់លាស់

នៅពេលចាប់ផ្ដើមកំនត់គោលដៅ អ្នកត្រូវតែដឹងថាអ្នកចង់ទៅអោយដល់កន្លែងណា ក្នុងកំតិតណាអោយច្បាស់។ អ្នកត្រូវតែយល់ច្បាស់ និងដឹងថា អ្នកត្រូវទៅតាមទិសដៅណាអោយប្រាកដ ព្រោះថាការដែលមានគោលដៅ តែមិនដឹងថាទៅតាមផ្លូវណា វាដូចជាការចូលដើរព្រៃ ហើយគ្មានអ្នកនាំអញ្ចឹង។ ជាមួយគ្នានេះ អ្នកក៏គួរតែមានចំនុចតូចៗ នៅពីក្រោមគោលដៅផងដែរ ដើម្បីអោយអ្នកអាចសម្រេចបានជោគជ័យកាន់តែងាយស្រួល។

២ មានអ្នកគាំទ្រ និងជំនួយ

មនុស្សដែលជោគជ័យ ពួកគេមិនមែននៅតែឯងនោះទេ។ នៅពីក្រោយខ្នងពួកគេ តែមានគ្រួសារ មិត្តភ័ក្ដិ និងអ្នកចាំផ្ដល់ដំបូន្មានគ្រប់ពេល។ អ្នកអាចសម្រេចបានជោគជ័យកាន់តែលឿន បើសិនជាអ្នកមានអ្នកបង្រៀន និងអោយជាគំនិតដល់អ្នក។ ដូចនេះ អ្នកគួរតែបង្កើនចំនងទំនាក់ទំនង និងត្រូវដឹងថា អ្នកណាខ្លះអាចជួយអ្នកបាន។

៣ មានគោលដៅដែលមានការប្រកួតប្រជែង

យោងទៅតាមការស្រាវជ្រាវរបស់លោក Edwin Locke និង Gary Latham បានរកឃើញថា នៅពេលអ្នកមានគោលដៅដែលពោរពេញដោយការប្រកួតប្រជែង នោះអ្នកនឹងកាន់តែមានការរីកចម្រើនដល់ទៅ ៩០%។ អ្នកត្រូវចាំថា ការប្រកួតប្រជែង វានឹងផ្តល់ការលត់ដំដល់សមត្ថភាពរបស់អ្នក។

៤ ដឹងថាពេលណាខ្លួនពន្យាពេល

មនុស្សទាំងអស់សុទ្ធតែធ្លាប់រងគ្រោះដោយសារការពន្យាពេល ឬការលួចខ្ជិល។ ប៉ុន្តែ អ្នកដែលជោគជ័យ ពួកគេបានរកហេតុផលដែលបានបណ្ដាលអោយពួកគេខ្ជិល ហើយព្យាយាមបំបាត់ទំលាប់នេះចោល។ អ្នកត្រូវតែ មានតារាងការងារមួយដើម្បីដឹងថាត្រូវធ្វើអ្វីខ្លះក្នុងមួយថ្ងៃ។ បញ្ចប់ការងារ អោយបានមុនពេលកំនត់ ព្រោះថាការធ្វើដូចនេះ អ្នកអាចមានពេលពិនិត្យការងារឡើងវិញ។ ធ្វើការអោយអស់ពីចិត្តក្នុងពេលតែមួយ និងរៀបចំអោយល្អ បន្ទាប់មកអ្នកអាចមានពេលសម្រាប់ខ្លួនឯងហើយ។

៥ អនុវត្តគោលការណ៍ ៥២ / ១៧

នៅពេលអ្នកធ្វើការជាប្រចាំ អ្នកគួរតែព្យាយាមធ្វើការ ជាមធ្យមអោយបាន ៥២នាទី និងមានពេលសម្រាកប្រហែល ១៧នាទី បន្ទាប់មកត្រលប់ទៅធ្វើការវិញ។ លោក Brad Stulberg និង Steve Magness បានរកឃើញថា គោលការណ៍នេះ អាចបង្កើនផលិតភាពការងារនៃខួរក្បាលបានយ៉ាងល្អ ព្រោះថាអ្នក នឹងមានពេលសម្រាកបានគ្រប់គ្រាន់ ហើយវាក៏ជាទំលាប់ដ៏ល្អផងដែរ។

៦ ស្ដាប់ចំរៀងដើម្បីផ្តោតអារម្មណ៍

ចម្រៀង ឬតន្រ្តី ត្រូវបានគេរកឃើញថា ជាវិធីដ៏ល្អមួយដើម្បីរក្សាការផ្តោតអារម្មណ៍ និងផលិតភាពក្នុងការសម្រេចគោលដៅ។ នៅពេលដែលអ្នក មានអារម្មណ៍មិនល្អ ឬក៏ហត់នឿយក្នុងការងារ ចូរជ្រើសរើសចំរៀងណា ដែលអាចជួយលើកទឹកចិត្តអ្នក និងលំហែរអារម្មណ៍អ្នកក្នុងពេលក្នុងការ ព្រោះថា តន្រ្តីអាចជួយកាត់បន្ថយភាពតានតឹងបាន។

៧ មិនធ្វើការច្រើនក្នុងពេលតែមួយ

មនុស្សដែលជោគជ័យ ពួកគេការបែងចែកខ្ពស់ និងមិនដែលធ្វើការច្រើនមុខ ក្នុងពេលតែមួយនោះទេ ព្រោះវាអាចនឹងបង្កើតអោយមានការរំខាន រវាងការងារនីមួយៗ។ គោលដៅដែលល្អ តែងមានការងារតូចៗនៅពីក្រោម ហើយវាតម្រូវអោយធ្វើ និងបញ្ចប់វាម្ដងមួយៗ។