តើធ្វើដូចម្ដេច ទើបអាចលក់ខ្លួនឯងឲ្យលេចធ្លោ សម្រាប់ការងារ ដែលអ្នកចង់បាន?

តើអ្វីទៅជាការលក់ខ្លួនឯង?

ការលក់ខ្លួនឯង គឺជាការធ្វើយ៉ាងណាអោយអ្នកសម្ភាសន៍ ឃើញថាអ្នកពោរពេញទៅដោយវិជ្ជាជីវៈ មានសមត្ថភាព ចំនេះ ជំនាញពិតប្រាកដ ដែលអាចអោយក្រុមហ៊ុនមានការរីកចម្រើនបើមានអ្នកធ្វើការជាមួយ។

តើត្រូវធ្វើដូចម្ដេចខ្លះ?

ដើម្បីលក់ខ្លួនឯងអោយជោគជ័យ អ្ននត្រូវចាប់ផ្ដើមតាំងពីមុនពេលដាក់ការងារមកម្ល៉េះ។ សូមមើលទៅលើចំនុចខាងក្រោមនេះ៖

១. ធ្វើការស្រាវជ្រាវ

មិនថាធ្វើអ្វីក៏ដោយ ការចេះស្រាវជ្រាវជាមុន គឺជាចំនុចដែលល្អ។ អ្នកអាចស្រាវជ្រាវតាម google ពីវិធីរៀបចំ CV និង Cover letter បាន ក៏ដូចជាធ្វើការដកពិសោធន៍ពី Website ការងារ ក៏ដូចជាក្រុមហ៊ុន Agency នានា ឧទាហរណ៍ http://www.camupjob.com ។​ នៅទីនោះមានអត្ថបទល្អៗជាច្រើនដែលប្រាប់ពីគន្លឹះនានាទាក់ទងនិងការងារ ការធ្វើ CV និង Cover letter ក៏ដូចជាទិចនិចសម្ភាសការងារ។ អ្នកក៏អាចស្វែងរកការងារល្អៗតាម គេហទំព័រការងារនោះបានដែរ។

២. រៀបចំគម្រោង

វាពិតជាមានសារៈសំខាន់ខ្លាំងណាស់ នៅពេលដែលអ្នកបានរៀបចំផែនការថា អ្នកចង់ធ្វើការអ្វី នៅកន្លែងណា ដោយរបៀបណា។ អ្នកនឹងអាចដឹងថា តើអ្នកនឹងតម្រូវអោយមានលិខិតបញ្ជាក់អ្វីខ្លះ? តើត្រូវមានជំនាញបន្ថែមឬទេ? ការរៀបគម្រោងជាមុន គឺផ្តល់ប្រយោជន៍ដល់អ្នក អោយដឹងថាត្រូវធ្វើអ្វីខ្លះតាមជំហាននីមួយៗ ហើយអ្នកនឹងទទួលបានលទ្ធផលឆាប់ៗ។

៣. បង្កើនជំនាញ

ការមានជំនាញរឹង (Hard skills) តែមួយមុខ មិនគ្រប់គ្រាន់អោយអ្នកមានភាពលេចធ្លោពីបេក្ខជនដ៏ទៃនោះទេ។ អ្នកត្រូវតែចំនាយពេលក្រៅបន្ថែមដើម្បីរៀនជំនាញផ្សេងទៀត ឬក៏ហៅថាជំនាញទន់ (Soft skills) ដែលពាក់ព័ន្ធ និងអាចជួយអ្នកក្នុងការងារបាន។ បើអ្នកបានរៀបចំគម្រោងទុកជាមុន នោះអ្នកច្បាស់ជាដឹងថា​ អ្នកត្រូវការជំនាញបន្ថែមអ្វីខ្លះ ហើយមានពេលវេលាប៉ុន្មាន។

៤. រៀបចំ CV និង Cover Letter

បន្ទាប់ពីធ្វើការស្រាវជ្រាវ រៀបចំគម្រោង និងបង្កើនជំនាញហើយ វាល្មមដល់ពេលដែលអ្នកយកអ្វីដែលអ្នកចេះ និងមានទៅដាក់ក្នុង CV អោយល្អ ហើយអ្នកត្រូវប្រើប្រាស់ Cover letter ដើម្បីពន្យល់ពីចំនាប់អារម្មណ៍ គោលបំនង និងជំនាញ (ពន្យល់ថា ហេតុអ្វីជំនាញរបស់អ្នកអាចជាប្រយោជន៍របស់ក្រុមទៅថ្ងៃអនាគត) របស់អ្នកដោយប្រើប្រាស់ចំណេះនានាដែលអ្នកទទួលបានពីការស្រាវជ្រាវ (ចំនុចទី១) ធ្វើយ៉ាងណាអោយមានភាពទាក់ទាញ នៅពេលដែលគេអាន ដើម្បីអោយក្រុមហ៊ុនជ្រើសរើសយកអ្នកមកសម្ភាសការងារ៕

យើងសង្ឃឹមថាចំនុចខាងលើនេះ អាចជាប្រយោជន៍ដល់អ្នកក្នុងការស្វែងរកការងារ ក៏ដូចជាការលក់ខ្លួនឯងសម្រាប់ការងារដែលអ្នកចង់បាន។ សូមសំណាងល្អ!