Sign Up

Sign Up to our social questions and Answers Engine to ask questions, answer people’s questions, and connect with other people.

Sign In

Login to our social questions & Answers Engine to ask questions answer people’s questions & connect with other people.

Forgot Password

Lost your password? Please enter your email address. You will receive a link and will create a new password via email.

Please briefly explain why you feel this question should be reported.

Please briefly explain why you feel this answer should be reported.

Please briefly explain why you feel this user should be reported.

ប្រវត្តិសង្ខេបលោក ញ៉ុក ថែម ?

លោក ញ៉ុកថែម កើតនៅថ្ងៃទី២២ ខែមិថុនា ឆ្នាំ១៩០៣ នៅឃុំស្វាយប៉ោ ស្រុកសង្កែ ខេត្តបាត់ដំបង ។ បិតាលោកឈ្មោះ ញុំ រីឯមាតាឈ្មោះ ហៀក ជាជាតិខ្មែរ ហើយជាកសិករនៅភូមិអូតាគី ឃុំជ្រៃស្រុក ខេត្តបាត់ដំបង ។​

          កាលពីកុមារភាព គឺក្នុងឆ្នាំ ១៩១៣ លោកបានទៅរៀននៅវត្តពោធិវាល ស្រុកសង្កែ ខេត្តបាត់ដំបង ។ លោកបានសិក្សាអក្សរជាតិ ក្នុងសំណាក់លោកគ្រូអាចារ្យសន ហើយបានសិក្សាធម៌វិន័យ ក្នុងសំណាក់លោកគ្រូសូត្រ អ៊ីវ ទូច នៅវត្តពោធិវាល ។

          នៅឆ្នាំ ១៩១៨ លោកមានបុព្វជ្ជា ( បួស ) ជាសាមណេរ ។ ក្នុងឋានៈជាសាមណេរនេះ លោកបានសិក្សាធម៌វិន័យ និងភាសាបាលី ក្នុងសំណាក់លោកគ្រូអាចារ្យផ្សេងៗ នៅខេត្តបាត់ដំបង ។ លោកក៏បានទៅសិក្សានៅបរទេសដែរ គឺក្នុងឆ្នាំ ១៩១៩ លោកបានបន្តវិជ្ជានៅក្រុងបាងកក ប្រទេសថៃ ។ លោកបានជាប់សញ្ញាបត្រធម្មសិក្សាជាន់ត្រី នៅកំឡុងឆ្នាំ១៩២១ និងជាប់សញ្ញាបត្រធម្មសិក្សាជាន់ទោក្នុងឆ្នាំ១៩២៣ ។ នៅឆ្នាំ ១៩២៤ លោកបានឧបសម្ប័ទជាភិក្ខុ ហើយនៅក្នុងឆ្នាំដដែលនេះ លោកបានជាប់សញ្ញាបត្ររិយត្តិភាសាបាលី ទីមហា ៣ប្រយោគ ។ ពីរឆ្នាំក្រោយមក គឺឆ្នាំ ១៩២៦ លោកបានជាប់ទីមហា ៤ប្រយោគហើយពីរឆ្នាំតមកទៀត ( ១៩២៨ ) លោកជាប់ទីមហា ៥ប្រយោគនិងជាទីបញ្ចប់ លោកបានជាប់ទីមហា៦ប្រយោគ នៅក្នុងឆ្នំា ១៩២៩ ។ សូមបញ្ជាក់ថានៅប្រទេសថៃ ការសិក្សាភាសាបាលីមានសរុបទាំងអស់ ៩ប្រយោគ( ជាន់ឬកម្រិត ) ដែលប្រយោគទី៩ជាប្រយោគខ្ពស់បំផុត ( ថ្នាក់បណ្ឌិត ) ។ លោកបាន លាចាកសិក្ខាបទមកជាគ្រហស្ថនៅឆ្នាំ ១៩៣៦ ។

          ពេលលោកទៅសិក្សានៅប្រទេសថៃ លោកក៏បានធ្វើការនៅទីនោះដែរ ។ លោកធ្វើជាគ្រូបង្រៀនភាសាបាលី នៅទីក្រុងបាងកក ចាប់ពីគ.ស ១៩២៧ ទៅទល់នឹង គ.ស ១៩៣០ ទើបត្រឡប់មកកាន់ទីក្រុងភ្នំពេញវិញដោយចូលធ្វើជាសមាជិកគណៈកម្មាការប្រែព្រះត្រៃបិដកនៅពុទ្ធសាសនាបណ្ឌិត្យ ។ នៅឆ្នាំ ១៩៣៨ លោកធ្វើការនៅព្រះរាជបណ្ណាល័យកម្ពុជាមានមុខងារជាអ្ននចាត់ចែង បោះពុម្ពផ្សាយសៀវភៅផ្សេងៗ និងទស្សនាវដ្តីកម្ពុជាសុរិយា ។ នៅឆ្នាំបន្ទាប់មក ( ១៩៣៩) លោកបានធ្វើជាតំណាងសម្តេចព្រះនរោត្តមសុធារស និងជាអធិបតីសុទ្ធសាសនបណ្ឌិត្យ ក្រុងភ្នំពេញ ជាមួយតំណាងផ្សេងៗទៀត លោកបានទៅរៀបចំកម្ម​វិធីសិក្សា និងពិធីសម្ពោធន៍ពុទ្ធសាសនាបណ្ឌិត្យនៅក្រុងហ្លួងព្រះបាង និងក្រុងវៀងចន្ទន៍ នាប្រទេសលាវ​ ។

          ឆ្នាំ១៩៤២​ លោកបានទៅសម្ពោធមន្ទីរសាសនបណ្ឌិត្យខេត្តឃ្លាំង ប្រទេសវៀតណាមភាគខាងត្បុង និងឆ្នំា១៩៤៣ លោកជាតំណាងរៀបចំកម្មវិធីសិក្សាសម្រាប់ពុទ្ធសាសនបណ្ឌិត្យ នៅខេត្តប៉ាក់សេ ប្រទេសលាវ ។

លោក ញ៉ុក ថែម បានធ្វើជាសាស្រ្តាចារ្យខ្មែរនៅថ្នាក់ទី៥ នៃសាលាគរុវិជ្ជានៅឆ្នាំ ១៩៤៥ ។ នៅឆ្នាំ ១៩៤៦ លោកធ្វើការនៅវិទ្យាស្ថានពុទ្ធសាសនបណ្ឌិត្យព្រមទាំងជាសាស្រ្តាចារ្យ នៅវិទ្យាល័យស៊ីសុវត្តិទៀតផង ។ ប៉ុន្តែនៅឆ្នាំ ១៩៥០ លោកលាឈប់ពីពុទ្ធសាសនបណ្ឌិត្យចូលមកបម្រើក្រសួងសិក្សាធិការជាតិ ក្រោយពេលដែលបារាំងផ្ទេរវិទ្យាល័យស៊ីសុវត្ថិ មកជាសម្បត្តិជាតិហើយលោកធ្វើជាសាស្រ្តាចារ្យជាប់សន្យារហូតមក ។ ប្រាំមួយឆ្នាំក្រោយមកគឺនៅឆ្នាំ ១៩៥៦ លោកសុំផ្លាស់ទៅធ្វើជាសាស្រ្តាចារ្យខ្មែរ នៅវិទ្យាល័យមុនីវង្ស នាក្រុងបាត់ដំបង  ។​ប៉ុន្តែក្នុងឆ្នាំ១៩៥៨ លោកបានផ្លាស់ទៅធ្វើការនៅវិទ្យាស្ថានជាតិគរុកោសល្យ នាក្រុងភ្នំពេញវិញក្នុងឋានៈជាសាស្រ្តាចារ្យផង និងអ្នកស្រាវជ្រាវ ឯកសារអក្សរសាស្រ្តខ្មែរនៅវិទ្យាស្ថាននោះផង ។ លោកជាសាស្រ្តាចារ្យខ្មែរ នៅសាលាភូមិន្ទរដ្ឋបាល ។

          កាលលោកទៅសិក្សា និងធ្វើការនៅប្រទេសថៃលោកបាននិពន្ធសៀវភៅជាភាសាថៃ ឬបាលីថៃ ។ ស្នាដៃទាំងនោះ មានជាអាទិ៖ នមោកថា នានាជាតក វណ្ណនាធម្មនិទ្ទេសភាគ១ ទេវតាភាសិត និងពុទ្ធភាសិត ។

          ក្រៅពីនេះលោកមានស្នាដៃជាភាសាខ្មែរយ៉ាងច្រើនដូចជា៖

  • ពុទ្ធប្បវត្តិសង្ខេប
  • អនុពុទ្ធប្បវត្តិភាគ ១.២
  • ប្រជុំភាសិត ភាគ ១.២
  • មហាវេស្សន្តរជាតក
  • ប្រជុំពុទ្ធភាសិត
  • ជាតិសាសនាព្រះមហាក្សត្រ
  • រឿងបិសាចស្នេហា ( ប្រលោមលោកបោះពុម្ពឆ្នាំ ១៩៤២ )
  • រឿងកុលាបប៉ៃលិន ( ប្រលោមលោកបោះពុម្ពក្នុងឆ្នាំ១៩៣៦ឬ១៩៤៣ )
  • ឯកសហរាត្រី ( ភាគខ្លះ ប្រែ )
  • ចូឡវេទល្លសូត្រ ( ប្រែ )
  • វិធីប្រតិបត្តិធម៌
  • ពន្លឺអាស៊ីទ្វីប ( ប្រែ  )
  • បញ្ញាសជាតកសង្ខេប ភាគ១.២… ។

Related Posts

World Heritage

Leave a comment