គន្លឹះណែនាំ ៤ជំហាន​ សម្រាប់ការស្វែងរកការងារ ឲ្យបានជោគជ័យ

ការស្វែងរកការងារដែលសាកសមនឹងខ្លួនឯង មិនមែនជារឿងងាយស្រួលនោះទេ បើទោះបីជា វាមិនមែនជាលើកទីមួយសម្រាប់អ្នកក៏ដោយ។ ការស្វែងរកការងារ គឺទាមទារពេលវេលា ផែនការ ការរៀបចំ និងការគិតជាច្រើនទៀត។ ប៉ុន្តែ ប្រសិនបើអ្នកធ្វើវា ដោយមានគោលការណ៍ជាក់លាក់ នោះដំណើរការនឹងមានភាពរលូន និងងាយស្រួល ហើយអ្នកនឹងទទួលបានការផ្ដល់ជូនដែលសមនឹងទទួលបាន។ ខាងក្រោមនេះ គឺជាជំហានណែនាំសម្រាប់ការស្វែងរកការងារ ៖

១. កំណត់អាទិភាពរបស់ខ្លួន

ដំបូង​ អ្នកត្រូវកំណត់អាទិភាពរបស់អ្នកមុនពេលអ្នកចាប់ផ្ដើមស្វែងរកការងារ។ អ្នកត្រូវដឹងថា ខ្លួនចង់ធ្វើការក្រុមហ៊ុនប្រភេទអ្វី ទីតាំងនៅឯណា បើឆ្ងាយតើអាចទៅធ្វើបានឬទេ ចង់បានប្រាក់ខែប៉ុន្មាន និងចង់បានអត្ថប្រយោជន៍បន្ថែមអ្វីខ្លះ។ ការដឹងពីអទិភាពជាមុនរបស់ខ្លួន អាចជួយសន្សំពេលវេលារបស់អ្នកក្នុងការសម្រេចចិត្តដាក់ការងារនីមួយៗ ជាពិសេសការសម្រេចចិត្តទទួលយកការងារណាមួយ។​ ដើម្បីជាជំនួយ អ្នកគួរឆែកមើល កត្តា៥យ៉ាង ដែលត្រូវពិចារណាមុននឹង យល់ព្រមទទួលយកការងារមួយ

២. កំណត់ថាការងារអ្វីដែលអ្នកចង់បាន

មុនពេលដែលអ្នកចាប់ផ្ដើមរកការងារ អ្នកក៏ចាំបាច់ត្រូវតែដឹងថា អ្នចង់ធ្វើការងារអ្វី និងតួនាទីអ្វីផងដែរ។ បន្ទាប់មកអ្នកត្រូវធ្វើការស្វែកការងារតាមរយៈ គេហៈទំព័រ​ការងារនានានៅលើអុីនធឺណែត ឧទាហរណ៍ នៅលើគេហៈទំព័រការងារ  មានការងារជាច្រើនសម្រាប់គ្រប់កំរិត និងគ្រប់តួនាទី ដែលអ្នក​អាចស្វែងរកការងារដែលចង់បានយ៉ាងងាយស្រួល។ ជាមួយគ្នា សូមអានត្រង់ចំនុច តួនាទីការងារ និង លក្ខខណ្ឌការងារផងដែរ ដើម្បីដឹងថាការងារនោះអ្នកអាចធ្វើបានឬទេ និងត្រូវកម្រិតរបស់អ្នកឬទេ។

៣. រៀបចំ CV និង Cover letter

នៅពេលដែលអ្នកសម្រេចដាក់ការងារណាមួយ អ្នកត្រូវរៀបចំCV និង Cover letterអោយបានល្អ ពីព្រោះថាឯកសារទាំងនេះ ជាកត្តាដែលទាក់ទាញក្រុមហ៊ុនចង់មកសម្ភាសរូបអ្នក។​ ​ដើម្បីធ្វើអោយ CV របស់អ្នកមានភាពទាក់ទាញ អ្នកអាចឆែកមើល​ ៧ ចំនុចដែលធ្វើអោយ CV មានភាពទាក់ទាញបំផុត  បាន។

៤. ត្រៀមខ្លួនសម្រាប់ការសម្ភាសន៍

ជំហានបន្ទាប់នេះ បើអ្នកត្រូវបានគេហៅមកសម្ភាសការងារ អ្នកត្រូវតែត្រៀមលក្ខណៈទុកជាមុនអោយល្អ។ អ្នកគួរតែចំនាយពេលខ្លះដើម្បីមើល CV and Cover letter របស់អ្នកឡើងវិញ។ ហើយត្រូវដឹងថាអ្នកនឹងសម្ភាសការងារដោយរបៀបណា វាអាចជាការសម្ភាសតាមទូរស័ព្ទ Skype ឬការសម្ភាសផ្ទាល់ (ជាមួយManager ឬ HR specialist)។​ ជាមួយគ្នានេះ អ្នកគួរតែធ្វើការស្រាវជ្រាវពីសំនួរអាចចេញពេលសម្ភាសន៍ ព្រោះវាអាចជួយអោយអ្នកកាន់តែមានភាពជឿជាក់លើខ្លួនឯង។​