លក្ខណៈសម្គាល់ទូទៅនៃកសិកម្ម

សំណួរ

១. តើមានកត្តាសំខាន់អ្វីដែលនាំឪ្យកសិកម្មប្រពៃណីក្លាយទៅជាកសិកម្មទំនើប ?

២. តើកសិកម្មប្រពៃណីដែលមានលក្ខណៈអន់ថយជាងគេ គឺជាកសិកម្មប្រភេទណា ? ចូរពន្យល់ ។

៣. តើកសិកម្មទំនើបដែលមានលក្ខណៈជឿនលឿនជាងគេ គឺជាកសិកម្មបែបណា ? ចូរពន្យល់ ។

៤. តើកសិកម្មមានសារៈសំខាន់សម្រាប់សេដ្ឋកិច្ចដូចម្ដេចខ្លះ ?

៥. ចូរពន្យល់ពាក្យ “ ដំណាំគ្មាន-ដី និង ចិញ្ចឹមសត្វក្រៅ-ដី ។

ចម្លើយ

១. កត្តាសំខាន់ៗដែលនាំឪ្យកសិកម្មប្រពៃណីក្លាយទៅជាកសិកម្មទំនើបគឺ ៖

• បដិវត្តន៍ដំណើរជញ្ជូន ជាកត្តាមួយនៃទំនើបកម្មកសិកម្ម កសិករក្លាយជាផលិតករ កសិផលលើសតម្រូវការអាចនាំចេញទៅលក់ដូរបានគ្រប់ទិសទី ។
• កំណើនឆាប់រហ័សនៃប្រជាជនពិភពលោក  ជាកត្តាសំខាន់ទៀតនៃទំនើបកម្ម​ ។ តែនៅប្រទេសកំពុងអភិវឌ្ឍខ្លះ បាតុភូតនេះជាផលនៃកំណែទម្រង់នយោបាយនិងសង្គមមនុស្ស ។

២. កសិកម្មប្រពៃណីដែលមានលក្ខណៈអន់ថយជាងគេ គឺកសិកម្មចិញ្ចឹមសត្វពនេចរ ឬ ពាក់កណ្ដាលពនេចរ ព្រោះវាផ្តល់ផលតិចតូច អាចចិញ្ចឹមប្រជាជនបានតិច តែអា​ចប្រព្រឹត្តទៅក្នុងមជ្ឈដ្នាន ពិបាករស់នៅនៃវាលលំហ ឬ ពាក់កណ្ដាលវាលលំហ ។

៣. កសិកម្មទំនើបដែលមានលក្ខណៈជឿនលឿនជាងគេ​គឺកសិកម្ម ឧស្សាហកម្ម ព្រោះវាជាកិច្ចការសេដ្ឋកិច្ចមួយមានទំហំធំធេងណាស់អាចប្រៀបបានទៅនឹងសហគ្រាសឧស្សាហកម្មមួយពិតៗ ។

៤. កសិកម្មមានសាសរៈសំខាន់សម្រាប់សេដ្ឋកិច្ចដូចជា​ ៖

• ផ្ដល់ស្បៀងអាហារបានគ្រប់គ្រាន់
• ទិន្នផលអាចយកមកផ្គត់ផ្កងគ្រួសារ ឬ នាំចេញយកទៅលក់
• កាត់បន្ថយភាពក្រីក្រ
• ផលិតផលជម្រុញឪ្យសេដ្ឋកិច្ចរីកចម្រើន (កសិកម្ម​ ឧស្សាហកម្ម ) ។

៥. ពន្យល់ពាក្យ

• ដំណាំគ្មាន-ដី ការដឹកដំណាំផ្កាក្នុ្ងស៊ែ នៅលើប៉ុលឌែ  ។​
• ចិញ្ចឹមសត្វក្រៅ-ដី ការចិញ្ចឹមសត្វដាក់ក្នុងទ្រុង នៅក្នុងអាគារ និងផ្ដល់ចំណីចេញពីរោងចក្រ ឬ ដាក់សត្វក្នុងឧទ្យាន ។